Никола Пијанманов
Никола Пијанманов (род. 1981, Струмица) е современ македонски ликовен уметник чија работа опфаќа сликарство, скулптура, сценографија, плакати и визуелни проекти. Дипломира на Факултетот за ликовни уметности во Скопје во класата на проф. Рубенс Корубин (2005).
Пијанманов е активен член на ДЛУМ и има реализирано голем број самостојни и групни изложби во Македонија и во странство. Неговото творештво се движи меѓу постфигуративна експресија, духовна симболика и психолошка длабочина, со препознатлив визуелен јазик. Дел од неговите дела — слики, скулптури и мурали — се поставени во јавни простори, меѓу кои Македонската Опера и Балет, Градски парк Струмица и други институции.
Пијанманов има остварено студиски и резиденцијални престои во: Cité internationale des arts, Париз (2022); Њујорк (2024); Сараево; Андрос.
Покрај уметничката практика, тој е уметнички организатор во Здружението за култура „Транзен“, преку кое реализира изложби, театарски и филмски проекти. Автор е на монографии, каталози, рецензии и есеи објавени во списанијата „Премин“ и „Зенит“.
Прикажи цени во:EUR
