Кашавелски, академски сликар (1969, Куманово), дипломирал на Факултетот за ликовни уметности во Скопје. Член е на Друштвото на ликовните уметници на Македонија, на Друштвото на уметниците на Франција, на Друштвото на Есенскиот салон во Париз, на Академијата за уметност и наука во Париз, на Светска академија за уметност. За своето творештво добил многу награди.

„Моето творештво е засновано врз реализам, обвиткано со елементи на мистерија кои произлегуваат од мојот внатрешен свет и возвишено размислување. Во многу случаи, композицијата е поставена како ребус, со желба да ја поттикне имагинацијата на публиката и да го отклучи вистинското значење на приказната.“ - Кашавелски

"My art is predominantly based around realism, shrouded with elements of mystery which are coming from my inner world and sublime thinking. In many cases, the composition is set in a form of a rebus, with a desire to provoke the audience's imagination to unlock the true meaning of the story."

Константин Качев е академски сликар роден во Ташкент во 1967 година, а од 1983 година живее и работи во Скопје. Завршил Ликовна академија во Скопје и е еден од најистакнатите современи македонски уметници од поновата генерација.

Неговото творештво е препознатливо по длабоката концептуалност и техничка прецизност. Работел и како конзерватор на фрески во Институтот за заштита на културното наследство на Македонија, што дополнително го обликувало неговиот однос кон визуелната уметност.

Качев има реализирано бројни самостојни и групни изложби низ светот – од Париз, Берлин и Москва, до Њујорк и Софија. Добитник е на повеќе награди, меѓу кои и златен медал на „Art en Capital“ во Париз.

Трајче Чатмов е современ македонски сликар, роден во Скопје во 1971 година. Неговото творештво се карактеризира со фигуративен експресионизам и магичен реализам, што му дава уникатен стил.

Во последните години, неговите дела се фокусираат на архетипски мотиви, митски слики и библиски приказни, прикажани со експлозивни и страсни ликовни експресии. Неговите слики често се слоевити и структурирани како приказна во приказна, со богат колорит и динамични композиции.

Во април 2025 година, Чатмов ја претстави својата изложба „Религија, митологија и слободна мисла“ во Националната галерија „Чифте-амам“ во Скопје, каде беа изложени над 70 негови дела.

Ниче Василев, Училиште за применета уметност завршува во Скопје а дипломира во Варшава, Полска, на академијата за ликовни уметности-отсек сликарство, во класата на проф. Лудвиг Мачонг. Во својата биографија има забележано бројни награди, самостојни и групни изложби.

Низ сите мои творечки години никогаш не сум создавал во комфорна зона. За разлика од некои мои колеги, јас тешко го поминував мојот авторски пат. Но, никогаш не се предадов и опстоив во таа сурова реалност. Повеќе од педесет години сум посветен на сликарството, се трудам колку можам да имам сериозен пристап и делата ги анализирам во ателјето долго, студиозно. Понекогаш на нив се навраќам и после неколку месеци. Сликите никогаш не се целосно завршени. Не ги разбирам колегите кои се жалат на тешките услови за работа. Вистинскиот творец секогаш ќе најде начин и причина да создаде нешто убаво, нешто значајно. Барањето причини за неуспехот е исто така неразбирливо. Без оглед на сите искушенија, уметникот е токму тој кој наоѓа решенија за најтешките прашања и од нив ја создава својата уметност.

Вака, во обемниот разговор со кураторот и колегата Никола Пијанманов печатен во богато опремената монографија „50 години сликарство“, говори македонскиот уметник и „сликарот на човечката присутност“ Ниче Василев