во подготовка

Од 18ти до 21ви Јуни беше отворена изложбата на Лара Ташковска и приватната галерија „Ел-Арт“ како современ простор посветен на уметноста и креативниот израз.

Уметницата Лара Ташковска, која со своите духовни и метафизички пејзажи го привлекува вниманието на љубителите на современата уметност, со оваа изложба прикажа внимателно одбрана серија дела кои истражуваат врски помеѓу природата, космосот и внатрешниот свет на човекот – светлина, симболика и трансценденција кои се вплетени во секој слој на нејзините платна.

Галеријата „Ел-Арт“ има за цел да прерасне во центар за визуелна уметност, отворен за нови таленти и веќе етаблирани автори, обезбедувајќи простор за слободен уметнички израз и комуникација со јавноста.

Им благодариме на гостите и посетителите на оваа изложба.