Изложба 18-21 Јуни 2025

Со изложбата на Лара Ташковска започнува со работа галеријата Ел-Арт.

Лара Ташковска е современа македонска ликовна уметница, трета генерација сликари по нејзиниот дедо Ристо Ристовски и татко ѝ, академик Васко Ташковски. Родена е во Скопје и дипломирала на Факултетот за ликовни уметности – отсек сликарство.

Таа работи во масло, акрил и акварел, а нејзините дела често се инспирирани од надреализмот и личните визуелни истражувања. Во 2016 година го основала Ателјето за цртање и сликање во Скопје, каде што предава и подготвува ученици за уметнички училишта и факултети.